لاہور(نیوز رپورٹر) پارکس اینڈ ہارٹی کلچر اتھارٹی لاہور کی جانب سے یوم آزادی پر 13 اور 14 اگست کی درمیانی رات کو مینار پاکستان پر آتش بازی کی جائیگی اور اسے سبز اور سفید روشنیوں سے جگمگایا جائیگا۔ڈائریکٹر جنرل محمد طاہر وٹو نے یوم آزادی کے حوالے سے ترتیب دی گئیں تقریبات کی تفصیل بیان کرتے ہوئے بتایا جیلانی باغ میں قومی پرچم آویزاں کیا جائیگا۔ لاہور کے مختلف علاقوں میں 13 اور 14 اگست کو مفت پودے تقسیم کئے جائیں گے۔