مرید کے:ڈاکٹر سید ندیم حیدر کی یاد میں قرآن خوانی و تعزیتی تقریب

مریدکے (نامہ نگار)انجمن شہریان مریدکے کے زیر اہتمام ڈاکٹر سید ندیم حیدر کی یاد میں قرآن خوانی و تعزیتی تقریب بلدیہ ہال مریدکے میں ہوئی۔ ایس پی (ر) خالد ابوبکر، انجینئر سید اسد علی شاہ، سید زین علی شاہ، خالد سیف السلام وٹو، مفتی ندیم معاویہ، معروف سماجی شخصیت سید عابد حسین شاہ، ڈاکٹر غلام حیدر بھٹی، ڈائریکٹر تنویر سالٹ سید تنویر الثقلین بخاری، کاروباری شخصیت زاہد حسین گیلانی مہمان خصوصی تھے۔ تقریب کے پہلے مرحلے میں مرحوم کی روح کو ایصال ثواب کیلئے قرآن خوانی ہوئی جس کے بعد مختلف مقررین نے ڈاکٹر سید ندیم حیدر کی مریدکے میں کم و بیش چار عشروں پر محیط پرخلوص خدمات کو زبردست الفاظ میں خراج تحسین پیش کیا۔ اس موقع پر ایک قرار داد کے ذریعے بنگلہ روڈ مریدکے کو ڈاکٹر سید ندیم حیدر روڈ کے نام سے موسوم کرنے کی قرار داد پاس کی گئی۔ اس تقریب میں مریدکے بھر سے معززین کی بڑی تعداد شریک ہوئی۔ تقریب میں بطور میزبان صدر انجمن شہریان حاجی غلام محی الدین، جنرل سیکرٹری ڈاکٹر سہیل عابد، طاہر اکرام، احمد علی دانش، شیخ شہزاد احمد، ملک ندیم مجید بطور خاص سرگرم رہے۔