فیصل آباد: ڈاکو ڈلیوری بوائے سے  12 ہزار روپے، ایک درجن برگر لوٹ کر فرار  

 فیصل آباد (نوائے وقت رپورٹ+نمائندہ خصوصی) فیصل آباد میں ڈکیتی کی انوکھی واردات کے دوران ڈاکوؤں نے فوڈ ڈلیوری بوائے سے 12 برگر لوٹ لیے۔ حسنین رضا آرڈر ڈلیور کرنے کیلئے سہیل آباد پہنچا تو اس کے تعاقب میں آنے والے موٹرسائیکل سوار دو ڈاکوؤں نے اس سے اسلحہ کے زور پر 12 ہزار روپے نقدی کے ساتھ 12 برگر بھی لوٹ لیے اور فرار ہو گئے۔ پولیس نے نامعلوم ملزمان کے خلاف مقدمہ درج کر کے ان کی تلاش شروع کردی ہے۔