بھکر ( نمائندہ نوائے وقت ) منکیرہ میں بس اور سوزوکی مہران میں تصادم ‘ایک ہی خاندان کے 6 افراد موقع پر جاں بحق ہوگئے۔ سوزوکی مہران کار میانوالی سے جھنگ جارہی تھی جس میں ایک ہی خاندان کے 7 افراد سوار تھے جو سامنے سے آنے والی بس جو شور کوٹ سے میانوالی جارہی تھی سے آمنے سامنے سے ٹکرا گئی تصادم اس قدر شدید تھا کہ کار میں سوار تین مرد اور دوبچیاں‘ ایک بچہ موقع پر ہی دم توڑ گئے جبکہ ایک عورت شدید زخمی ہوگئی اس کی بھی حالت تشویش ناک بتائی جاتی ہے۔ہسپتال منتقل کردیا گیا۔حادثہ تیز رفتاری کے باعث پیش آیا۔