12 محکموں کی 22 آسامیاں‘ سروس کمشن کے  زیراہتمام 50 ہزار امیدواروں کا امتحان

لاہور (نوائے وقت رپورٹ) پنجاب پبلک سروس کمشن (پی پی ایس سی) نے گزشتہ روز صوبے کے سات ریجنز میں 50 ہزار سے زائد امیدواروں کے امتحانات کا کامیاب انعقاد کیا۔ بہاولپور‘ ڈی جی خان‘ ملتان‘ فیصل آباد‘ سرگودھا‘ راولپنڈی‘ لاہور میں 10 اور 11 اگست اور (ہفتہ اور اتوار کو 12 انتظامی محکموں کی 22 مختلف اقسام کی آسامیوں کے لئے امتحانات بغیر کسی رکاوٹ کے ہوئے۔ پی پی ایس سی کے تمام افسر اور اہلکار ہفتہ اور اتوار کو اوپر کے سات سٹیشنوں پر مصروف رہے۔