وفاقی دارالحکومت اسلام آباد میں مقیم پاسپورٹ بنوانے کے خواہشمند کے افراد کیلئے نئے جدید ریجنل پاسپورٹ آفس میں آپریشنز کا آغاز ہو گیا۔وزارت داخلہ کی جانب سے اسلام آباد میں نئے جدید ریجنل پاسپورٹ آفس میں آپریشنز کا آغازکر دیا گیا۔ نئی بلڈنگ آئی اینڈ ٹی سینٹر پلاٹ نمبر 18 سیکٹر جی 10 فور میں شروع کی گئی ہے۔ڈی جی پاسپورٹ مصطفی کمال نے کہا ہے کہ اسلام آباد کے رہائشی پاسپورٹ بنوانے کے لیے نئی بلڈنگ کا رخ کریں. نئی اسٹیٹ آف دی آرٹ بلڈنگ میں جدید سہولیات فراہم کی گئی ہیں ۔ خواتین اور بزرگ شہریوں کے لیے الگ خصوصی کاؤنٹرز بنائے گئے ہیں۔ڈی جی پاسپورٹ نے مزید کہا کہ نئی بلڈنگ میں ڈیجیٹل نظام کے تحت پاسپورٹ پراسس کیا جائے گا.نئے پاسپورٹ آفس میں شہری کو قطار میں لگنے کی ضرورت نہیں ہوگی۔اضافی اسٹاف کی تعیناتی سے شہریوں کے مسائل موقع پر حل کیے جاسکیں گے۔
دوسری جانب ملک میں جاری پاسپورٹ بحران پر قابو پانے کیلئے نئے لیمینٹرزاور پرنٹرز خریدنےکا فیصلہ کیا گیا ہے۔ 5 جدید آرایم پی اور 2 ای پاسپورٹ پرنٹرز بھی خریدے جائیں گے ۔ نئے پر نٹرز اور لیمینٹرز آنے سے ایک گھنٹے میں ایک ہزار پاسپورٹس پرنٹ کئے جاسکیں گے۔ذرائع کے مطابق جدید پرنٹرز اور لیمینٹرز کی خریداری سے پرنٹنگ صلاحیت یومیہ 22 ہزار سے یومیہ 55 ہزار تک ہو جائے گی.پاسپورٹ حکام نے آئندہ 6 ماہ کے لیے لیمینیشن پیپرز کا سٹاک منگوالیا ہے۔نئے پر نٹرز منگوانے کے فیصلے سے ستمبر کے آخری ہفتے سے بیک لاک ختم ہو نا شروع ہو سکے گا۔ پر نٹنگ صلاحیت بہتر بنانے کے لیے سال میں دو بار پر نٹرز خرید نے کا بھی فیصلہ کیا گیا ہے۔پاسپورٹ آفس میں پراسیسنگ سپیڈ بڑھانے کے لیے نیا ڈیٹا بیس بھی بنایا جائے گا۔نئے ڈیٹا بیس کی مدد سے نادرا سمیت دیگر اداروں سے ڈیٹا فوری ویری فائی کیا جاسکے گا۔
