پاکستان بھر سے 9 ہترین ویٹرنز ٹیمیں شرکت کر رہیں ہیں تمام میچز فلڈ لائٹ میں ہوں گے۔
لاہور( رپورٹ۔ محبوب احمد چودھری) پاکستان انٹرنیشنل ویٹرنز ایسوسی ایشنز کے زیر اہتمام جشن آزادی کے موقع پرچھٹا پاکستان انٹرنیشنل فٹبال میلہ 14 اگست سے جلو پارک فٹبال گراونڈ میں شروع ہو رہا ہے جبکہ فائنل 18 اگست کو کھیلا جاۓ گا۔تمام میچز فلڈلائٹ میں منعقد ہوں گا اس کا اعلان چیئرمین پاکستان انٹرنیشنل ویٹرنز ایسوسی ایشن میاں عباس، صدر پنجاب فٹبال ایسوسی ایشن سردار نوید حیدر، سابق کپتان پاکستان فٹبال ٹیم غلام سرور ٹیڈی،سابق انٹرنیشنل پلیئر محمد امتیاز نے مقامی ہوٹل میں پریس کانفرنس کے دوران کیا۔نہوں نے کہا کہ میچز شام 7 بجے شروع ہوا کریں گے۔فٹبال میلہ میں پاکستان بھر سے 9 بہترین ویٹرنز ٹیمیں شرکت کر رہی ہیں۔پاکستان میں ڈسٹرکٹس اور شہر کی سطح پر ویٹرنز ٹیمیں بن رہی ہیں تقریبا 400 کے قریب ٹیمیں اگلے سال تک تیار ہو جائیں گی اس کے عللاوہ ویمن ویٹرنز ٹیموں کی تیاری کیلۓ بھی کام شروع کر دیا ہے 14 اگست کو فٹبال میلہ کا آغاذ ویمن ویٹرنز کے نمائشی میچ سے ہو گا۔ انہوں نے مزید بتایا کہ اگلے سال انشاءاللہ پاکستان کی ویٹرنز ٹیم انٹرنیشنل ویٹرنز فٹبال چیمپئین شپ میں شرکت کرے گی اس کے علاوہ انٹرنیشنل ویٹرنز فٹبال فیڈریشن کے ساتھ الحاق کا پراسس بھی شروع کر دیا گیا۔پاکستان انٹرنیشنل ویٹرنز ایسوسی ایشن کا مقصد جو سابق انٹرنیشنل کھلاڑی کھیل سے دور ہو گۓ تھے ان کو دوبارہ کھیل میں ان کرنا ہے۔صدر پنجاب فٹبال ایسوسی ایشن سردار نوید حیدر نے کہا کہ پی ایف ایف نارملائزیشن کمیٹی نے جو ڈسٹرکٹس کے الیکشن کرواۓ ہیں وہ غیر قانونی ہیں ان کو کوڈ آف کنڈکٹ کا نوٹس دیا ہوا ہے۔سردار نوید حیدر نےکہا کہ میاں عباس پاکستان میں فٹبال کے فروغ کیلۓ دن رات ایک کیۓ ہوۓ ہیں ان کی محنت ایک دن ضرور رنگ لاۓ گی ہم ان کے ساتھ ہیں۔اس کے علاوہ میڈیا نےبھی ہمیشہ ساتھ دیا ہے کھیلوں کے فروغ میں میڈیا کا کردار ناقابل فراموش ہے۔
