لاہور (سپورٹس رپورٹر) پاکستان بیس بال فیڈریشن نے 32 ویں نیشنل گیمز کے مینز اور ویمن ایونٹ کے لئے ٹیموں کا اعلان کر دیا ہے۔ تمام میچز 22 سے 28 دسمبر تک کھیلے جائیں گے۔ سیکرٹری پاکستان بیس بال فیڈریشن خاور شاہ کے مطابق ٹیموں کودو گروپس میں تقسیم کیا گیا ہے۔ گروپ اے میں آرمی، پولیس اور خیبر پی کے جبکہ گروپ بی میں واپڈا، بلوچستان اور پنجاب کی ٹیمیں حصہ لینگی۔ خواتین گروپ اے میں پنجاب، سندھ اور اسلام آباد جبکہ گروپ بی میں خیبر پی کے، بلوچستان اور پولیس کی ٹیمیں شامل ہیں۔