” بھٹو شہید بینظیر ورکرز موومنٹ“ کے صوبائی اور ڈویژنل کوآرڈی نیٹرز کے ناموںکا اعلان

 لاہور (این این آئی) ”بھٹو شہید بینظیر ورکرز موومنٹ“ کی مرکزی کوآرڈی نیٹر ناہید خان نے صوبائی اور ڈویژنل کوآرڈی نیٹرز کے ناموںکا اعلان کر دیا۔ نوٹیفکیشن کے مطابق ڈاکٹر صفدر عباسی‘ سندھ‘ عبدالقادر شاہین پنجاب‘ ناصر شاہ بلوچستان جبکہ نور محمد مہمند خیبر پی کے کے کوآرڈی نیٹرز ہونگے جبکہ لاہور ڈویژن اور سٹی کے لئے سردار حر بخاری کو کوآرڈی نیٹرز کی ذمہ داریاں سونپی گئی ہیں۔ بتایا گیا ہے کہ کوآرڈی نیٹرزکے ناموںکا اعلان کئے جانے کے بعد انہیں اپنی سرگرمیاں تیز کرنے کی ہدایات جاری کر دی گئی ہیں۔ علاوہ ازیں پنجاب اور لاہور ڈویژن کے کوآرڈی نیٹرز آج (بدھ) لاہور میں دوپہر ایک بجے پریس کانفرنس بھی کریں گے۔