کوئٹہ سے لاپتہ ہونے والے ڈاکٹرعبدالعزیز بلوچ کےاغواء کا مقدمہ تھانہ سیٹلائٹ میں درج کرلیا گیا ہے جبکہ پولیس انکی بازیابی کیلئے مشتبہ مقامات پرچھاپے مارنے میں مصروف ہے۔

خاندانی ذرائع کے مطابق ڈاکٹرعبدالعزیز بلوچ کو اتوار کے روز اغواء کیا گیا تھا جبکہ انکی گاڑی پیر اور منگل کی درمیانی شب سریاب لنک روڈ سے ملی تھی۔ پولیس کےمطابق ڈاکٹرعبدالعزیز کےاغواء کا مقدمہ انکے بھائی کی مدعیت میں تھانہ سیٹلائٹ ٹاؤن میں درج کرلیا گیا ہے جس کے بعد پولیس انکی بازیابی کیلئے مشتبہ مقامات پرچھاپے ماررہی ہے۔ اس سے قبل بھی ماہرامراض چشم ڈاکٹرسعید خان کواغوا کرلیا گیا تھا، جنہیں ذرائع کےمطابق اغواء کاروں نے نوے لاکھ روپے تاوان کی ادائیگی کے بعد چھوڑا تھا۔ واضح رہے کہ ڈاکٹرسعید خان کے اغواء کے خلاف تاحال کوئٹہ سمیت بلوچستان کے متعدد اضلاع میں ڈاکٹرزہڑتال پرتھےکہ ایک نئے ڈاکٹرکی گمشدگی نے ڈاکٹروں کی تشویش میں مزید اضافہ کردیا ہے۔