شیخوپورہ: مبینہ پولیس مقابلے میں دوڈاکوہلاک، مرنے والے دونوں ڈاکوؤں کوبینک ڈکیتی کے دوران ایک روزقبل گرفتارکیا گیا تھا۔

پولیس کے مطابق مرنے والے دونوں ڈاکوؤں کوایک روزقبل اندرون شہرعزیز بھٹی روڈ پرایک نجی بینک میں ڈکیتی کے دوران لوگوں نے پکڑکرپولیس کے حوالے کیا تھا۔ جن کی شناخت علاقہ غیرکے رہائشی عید محمد خان اور سعید خان کے ناموں سے ہوئی تھی۔ پولیس کے مطابق آج صبح دونوں ڈاکوؤں کواُن کے ساتھیوں کی گرفتاری کے لیے ساتھ لے جایا جارہا تھا کہ لاہورروڈ ہاؤسنگ اسکیم کے قریب گھات لگائے ساتھی ڈاکوؤں نے اچانک پولیس کی گاڑی پراندھا دھند فائرنگ کردی۔ جس کے بعد دونوں جانب سے فائرنگ کا تبادلہ شروع ہوگیا۔ پولیس کا کہنا ہے کہ فائرنگ کے تبادلے میں ساتھیوں کی فائرنگ سے ہی دونوں گرفتارڈاکوہلاک ہوئے ہیں، مقابلے کے بعد لاشوں کوپوسٹ مارٹم کے لیے ڈی ایچ کیواسپتال منتقل کردیا گیا۔