نجی ایئر لائن نے کئی کئی گھنٹے تاخیر کو معمول بنالیا، مسافر پریشان

لاہور (خبرنگار) شاہین ایئر لائنز کی متعدد پروازوں میں تاخیر نے سینکڑوں مسافر کو رلا ڈالا۔ لاہور ایئرپورٹ پر مسافر شاہین ایئر لائنز کی انتظامیہ کے خلاف احتجاج کرتے رہے مگر کوئی شنوائی نہیں ہوئی۔ شاہین ایئر لائنز کی لاہور سے کوئٹہ جانے والی پرواز 153 صرف 24 گھنٹوں کی تاخیر سے گزشتہ دوپہر دو بجے کوئٹہ جائے گی اور گزشتہ شام 6 بجے کوئٹہ سے لاہور پہنچنے والی154 بھی 24 گھنٹے کی تاخیر سے لاہور پہنچے گی۔ ریاض سعودی عرب سے بدھ کی دوپہر تین بجے لاہور پہنچنے والی پرواز 12 گھنٹے کی تاخیر سے رات تین بجے لاہو رپہنچی۔