کورکمانڈرزکانفرنس آج ہو گی

راولپنڈی (آن  لائن)آرمی چیف جنرل راحیل شریف کی زیر صدارت کور کمانڈر کانفرنس آج ہو گی۔ ذرائع کے مطابق جمعہ کو ہونے والی کور کمانڈر کانفرنس میں آئی ڈی پیز کی واپسی کے لئے جامع پلان کی منظوری دی جائے گی۔ چیف آف آرمی سٹاف جنرل راحیل شریف کانفرنس کو اپنے امریکہ دورہ کے حوالے سے اعتماد میں لیں گے۔ ذرائع کے مطابق 12 دسمبر کو ہونے والی کور کمانڈر کانفرنس میں ایل او سی اور مغربی سرحدوں کی صورتحال بھی زیر غور آئے گی۔