پانچ میچوں کی سیریز کا دوسرا ایک روزہ میچ شارجہ کرکٹ گراؤنڈ میں کھیلا جائے گا ،مصنوعی روشنیوں میں میچ کا آغاز پاکستانی وقت کے مطابق ساڑھے چار بجے ہوگا ، قومی کرکٹرز نے جمعرات کو  ہیڈ کوچ وقار یونس، بیٹنگ کوچ گرانٹ فلاور اور باؤلنگ کوچ مشتاق احمد کی زیر نگرانی باؤلنگ ، بیٹنگ  اور فیلڈنگ کی پریکٹس کی ،کھلاڑیوں نے فٹنس لیول کو برقرار رکھنے کے لیے فٹ بال میچ بھی کھیلا ، واضح رہے کہ قومی ٹیم نے پہلے ون ڈے میں نیوزی لینڈ کو شکست دے کر سیریز میں ایک صفر کی سبقت حاصل کر رکھی ہے ، ذرائع کا دعویٰ ہے کہ محمد حفیظ دوسرے ون ڈے میں شامل نہیں ہوں گے اوران کی جگہ عمر اکمل کی سکواڈ میں شمولیت کا امکان ہے