لاہور (سپورٹس رپورٹر) سا گاپریمیئر لیگ ویمن ٹی ٹونٹی ایونٹ کے فائنل میں ساگا پنجاب نے ساگا خیبر پی کے کو آٹھ وکٹوں سے شکست دے کر چیمپئن ہونے کا اعزاز حاصل کرلیا۔ پنجاب ٹیم کی کپتان جویریہ خان فائنل کی ویمن آف دی میچ اور پلیئر آف دی ٹورنامنٹ قرار پائیں۔کے پی کے کی کپتان بسمہ معروف نے ٹاس جیت کر پہلے بیٹنگ کرنے کا فیصلہ کیا۔ پوری ٹیم 19.5 اوورز میں 84 رنز پر آل آئوٹ ہوگئی۔ بسمہ معروف 41 رنز کے ساتھ نمایاں رہیں ۔ راحم شمیم نے 3 اور سعدیہ یوسف نے 2 وکٹیں حاصل کیں۔85 کے تعاقب میںپنجاب کی کپتان جویریہ خان نے دھواں دار بیٹنگ سے آغاز کیا اور پہلے دو ہی اوور میں 30 رنز بنا کر پنجاب کی جیت کی بنیاد رکھ دی۔ جویریہ خان نے 23 بال پر 11 چوکوں کی مدد سے 47 رنز بنائے اور وہ ندا ڈار کی بال پر کیچ آئوٹ ہوئیں۔ ساگا پنجاب نے مطلوبہ ٹارگٹ 10.2 اوورز میں حاصل کرلیا اور میچ آٹھ وکٹوں سے جیت لیا۔