لاہور(لیڈی رپورٹر)دنیا ہمارے نبیؐ کی صفات سے واقف نہیںمیڈیا نبی کریمؐ کا پیغام اور صفات دنیا پر واضح کرے ،آپؐسے محبت ہمارے ایمان کا حصہ ہے اور اس پر کوئی کمپرومائز نہیں کرسکتے، ہمارے لئے عقیدہ ختم نبوت زندگی موت کا معاملہ ہے۔ مقررین نے ان خیالات کااظہار گزشتہ روز جماعت اسلامی حلقہ خواتین لاہورکے زیر اہتمام منعقدہ ’’خاتم النبین کانفرنس ‘‘ سے خطاب میں کیا۔ جس کی صدارت ناظمہ صوبہ پنجاب ربعیہ طارق نے کی ۔مقررین میںممتاز دینی سکالر نگہت ہاشمی ڈائیریکٹر ادارہ النور ،عالمہ طاہرہ یوسف، رضیہ مدنی ،امتہ المعطی،ڈاکٹر سمیحہ راحیل قاضی ،امتہ المہدی ، ڈاکٹر حمیرا طارق ،ڈاکٹر زبیدہ جبیں، عافیہ سرور ڈائیریکٹرفلاح خاندان سنٹر و دیگر شامل تھیں۔نگہت ہاشمی نے کہا کہ پاکستان دنیا کا واحد ملک ہے جوکہ اسلامی مملکت کے خواب کو عملی جامہ پہنانے کے لیے وجود میں آیاتھا۔