چیف جسٹس ثاقب نثار نے سول ہسپتال مٹھی میں بچوں کی وارڈز کا جائزہ اور نتظامات پرعدم اعتماد کا اظہار کرتے ہوئے کہا ہے کہ ایمر جنسی وارڈ کی یہ صورتحال ہے تو پھر ہسپتال ہی بند کر دیں۔ بدھ کو چیف جسٹس ثاقب نثار نے سول ہسپتال مٹھی میں بچوں کی وارڈز کا جائزہ لیا، چیف جسٹس نے ہسپتال کے انتظامات پر عدم اعتماد کا اظہار کرتے ہوئے کہا کہ ایمر جنسی وارڈ میں ادویات میسر نہیں، کیسی وارڈ ہے؟ایمرجنسی وارڈ کی یہ صورتحال ہے تو پھر ہسپتال ہی بند کر دو، چیف جسٹس نے آر او پلانٹ کی خراب صورتحال پر برہمی کا اظہار کیا، چیف جسٹس نے انتظامیہ سے استفسار کیا کہ آر او پلانٹ میں پانی کی کوالٹی خراب کیوں ہے؟شاید آپ لوگ یہ پانی نہیں استعمال کرتے۔