قومی انڈر 16ون ڈے ٹورنامنٹ سندھ اور سنٹرل پنجاب کی ٹیمیں کامیاب

لاہور( نمائندہ سپورٹس) پی سی بی قومی انڈر 16 ایک روزہ ٹورنامنٹ میں سندھ اور سنٹرل پنجاب نے اپنے اپنے میچز جیت لیے۔ فیصل آباد میں سندھ نے بلوچستان کو 3 وکٹوں سے شکست دیدی۔ بلوچستان کی ٹیم 114 رنز بناکر آؤٹ ہوگئی۔ سعد آصف نے 3 وکٹیں حاصل کیں۔جواب میں سندھ نے ہدف 7 وکٹوں پر حاصل کرلیا۔ علی حسن 32 رنز بناکر نمایاں رہے۔ سنٹرل پنجاب نے سدرن پنجاب کو 64 رنز سے ہرا دیا۔ سنٹرل پنجاب کی ٹیم نے 8 وکٹوںپر 202 رنز بنائے۔ افضل منظور 43 رنز بناکر نمایاں رہے۔سدرن پنجاب کی ٹیم 9 وکٹوں پر 138رنز ہی بناسکی۔ محمد عمار نے 42 رنز بنائے۔ ارحم نواب نے 3 وکٹیں حاصل کیں۔