ملتان (سپورٹس ڈیسک) ہنری نکولس کی ناقابل شکست سنچری کی بدولت نیوزی لینڈ نے ویسٹ انڈیز کے خلاف دوسرے اور آخری ٹیسٹ میچ کے پہلے روز اپنی پہلی اننگز میں 6 وکٹوں کے نقصان پر 294 رنز بنالئے۔ ہنری نکوس نے محتاط انداز میں بلے بازی کا مظاہرہ کرتے ہوئے نہ صرف اپنے ٹیسٹ کیریئر کی چھٹی سنچری سکور کی بلکہ ٹیم کے مجموعی سکور کو 294رنز تک پہنچا دیا۔ہنری نکولس ناقابل شکست 117رنز کے ساتھ ناٹ آئوٹ ہیں۔ ویسٹ انڈیز کی طرف سے شینن گیبرائل نیتین ، چمارہولڈر نے دو جبکہ الزاری جوزف نے ایک کھلاڑی کو آئوٹ کیا۔ نیوزی لینڈ کے ٹام بلنڈل 14رنز بنانے کے بعد شینن گبرائل کی گیند کا نشانہ بنے۔ان کے بعد ٹام لیتھم 27رنز بناکر چمار ہولڈر کی گیند پر ڈی سلوا کے ہاتھوں کیچ آئوٹ ہوگئے۔ روز ٹیلر تیسرے آئوٹ ہونے والے کھلاڑی تھے 9رنز بناکر شینن گبرائل کی گیند پر ڈی سلوا کے ہاتھوں کیچ آئوٹ ہوئے ، ویل ینگ 43رنز بناکر شینن گبرائل کی گیند پر ہولڈر کے ہاتھوں کیچ آئوٹ ہوگئے۔