پاکستان ڈیموکریٹک موومنٹ(پی ڈی ایم)کے آج(اتوار کو) لاہور میں ہونے والے جلسے کے سلسلے میں مسلم لیگ (ن) کے کارکنوں نے سامان پہنچانے کیلئے مینارِ پاکستان گراونڈ گریٹر اقبال پارک کے گیٹ نمبر 5کا تالا توڑ دیا۔تالا توڑنے کے بعد لیگی کارکنوں نے اسٹیج کی تیاری کا سامان اندر پہنچا دیا ، مینارِ پاکستان گراونڈ میں کرسیاں بھی پہنچا دی گئی ہیں۔گزشتہ رات بارش کے بعد مینارِ پاکستان گراونڈ میں بعض جگہ پر پانی موجود ہے، جلسہ منتظمین نے گراونڈ کی صفائی کی۔جلسہ گاہ میں بجلی کے انتظام کے لیے جنریٹر پہنچا دیئے گئے ، جلسے میں روشنی کے انتظامات کے سلسلے میں گراونڈ میں سرچ لائٹیں لگا دی گئیں، جبکہ ساونڈ سسٹم بھی نصب کیا گیا۔