ایشین چیمپئنزٹرافی،قومی ہاکی ٹیم کے ڈھاکہ میں ڈیرے 

ڈھاکہ(آئی این پی)قومی ہاکی ٹیم ایشین چیمپئنز ٹرافی میں شرکت کیلئے ڈھاکہ پہنچ گئی۔پاکستان جونیئرز ہاکی ٹیم کے گول کیپرز وقار اور عبداللہ اشتیاق 12 بجے دن بذریعہ قطرایئرویزکراچی سے بنگلہ دیش روانہ ہوئے جبکہ سینئر گول کیپرز امجدعلی اور مظہرعباس کے ویزے تاحال موصول نہ ہوسکے تاہم امجدعلی اورمظہرعباس کے ویزے اتوار شام 12 دسمبر تک متوقع ہیں۔ ویزے موصول ہوتے ہی سینئر گول کیپرز بھی ڈھاکہ کے لئے روانہ ہوجائیں گے۔سیکرٹری جنرل پاکستان ہاکی فیڈریشن آصف باجوہ نے کہا ہے کہ بروقت پہنچنے پر سنیئر گول کیپرز ایونٹ میں قومی ہاکی سکواڈ کا حصہ ہوں گے۔ایشین ہاکی فیڈریشن کے زیراہتمام ایشین چیمپئنز ٹرافی میں ایشیا کی چھ بہترین ٹیمیں شریک ہیں جس میں مشترکہ دفاعی چیمپئنزپاکستان اور بھارت سمیت کوریا، جاپان، ملائیشیا اور میزبان بنگلہ دیش شامل ہیں۔ ایشین چیمپئنز ٹرافی 14  تا 22  دسمبر تک بنگلہ دیش کے شہر ڈھاکہ میں کھیلی جائے گی۔ ایونٹ رائونڈ رابن لیگ طرز پر کھیلا جائے گا۔
ایشین چیمپئنزٹرافی