راولپنڈی (اپنے سٹاف رپورٹر سے) ڈکیتی چوری کی وارداتوں میں شہری لٹ گئے تھانہ ویسٹریج کو جاوید خان نے بتایا کہ لین نمبر 7 میں دو مسلح موٹر سائیکل سوار مجھ سے اور سجاد سے 52 ہزار روپے کی نقدی اور موبائل فون چھین کر فرار ہوگئے تھانہ روات کو بابر ارشاد نے بتایا کہ جٹھہ ہتھیال میں میری دکان کے تالے توڑ کر 60 ہزار روپے چوری کرلئے گئے تھانہ کینٹ کو کیپٹن عبدالباسط نے بتایا کہ صدر میں دو موٹر سائیکل سوار میری اہلیہ سے پرس چھین کر فرار ہوگئے جس میں 30 ہزار روپے کی نقدی، 40 ہزار روپے مالیتی موبائل فون تھے تھانہ گنجمنڈی کو چوہدری عبدالماجد نے بتایا کہ اصطبل روڈ پر میری دکان کی دیوار توڑ کر 50 ہزار روپے کی نقدی چوری کرلی گئی تھانہ وارث خان کو ثمینہ بی بی نے بتایا کہ بینظیر بھٹو ہسپتال سے میرا موبائل فون چوری ہوگیا تھانہ پیرودھائی کو محمد کامران نے بتایا کہ مین روڈ پر میری دکان سے کراکری مالیتی 14 لاکھ 60 ہزار روپے چوری کر لی گئی تھانہ رتہ امرال کو ملک فیضان کوثر نے بتایا کہ رتہ روڈ پر میری دکان میں تین ڈاکو داخل ہوئے اور دو لاکھ 35 ہزار روپے کی نقدی اور کیمرے کی ریکارڈنگ مشین چھین کر فرار ہوگئے۔ تھانہ سول لائن کو نوید احمد نے بتایا کہ ڈھیری حسن آباد سے میرا کیری ڈبہ نمبر RIA 853 چوری ہوگیا تھانہ کینٹ کو وسیم احمد نے بتایا کہ میرا موٹر-سائیکل نمبر RIM 60 چوری ہوگیا۔