پشاور روڈ کی لین 6 اور 7 میںگیس کمپریسر کیخلاف کارروائی ، میٹر اتار لئے گئے 

راولپنڈی ( نیوز ڈیسک)محکمہ سوئی گیس کی طرف سے مختلف علاقوں میں گیس کمپریسر کے خلاف کارروائی کرتے ہوئے سینکڑوں شہریوں کے میٹر اتار لیے گئے پشاور روڈ کی لین 6 اور 7 میں گزشتہ روز مختلف گھروں سے گیس میٹر اتار لئے گئے جبکہ مبینہ طور پر گھروں میں گھس کر خواتین کے ساتھ بدتمیزی بھی کی گئی اس ضمن میں جب اہلکاروں سے ان کی شناخت معلوم کی جائے تو وہ ہتک آمیز رویہ اختیار کرتے ہیں شہریوں نے محکمہ سوئی گیس کے اعلی حکام سے پرزو مطالبہ کیا ہے کہ بلاوجہ انہیں تنگ کرنے کا سلسلہ بند کیا جائے اور گیس پریشر کو بھی بڑھایا جائے ورنہ وہ احتجاج کرنے پر مجبور ہوں گے۔