دمام (اے پی پی)سعودی عرب کی دمام شاہراہ پرمسافر بس کو پیش آنے والے حادثے  کے نتیجے میں 2 افراد  جاں بحق  اور  9 زخمی ہو گئے ہیں۔سعودی خبررساں  ادارے نے ریجنل ہلال الاحمر کی جانب سے جاری بیان  کے حوالے سے بتایا کہ مسافر بس کو پیش  آنے والے حادثے  کے نتیجے میں 2 افراد موقع پر جاں بحق  جبکہ9 زخمی ہو گئے ہیں ۔ریسکیو ٹیموں نے  جاں بحق افراد کی نعشوں  اور زخمیوں کو قریبی ہسپتال منتقل کرا دیا ہے جہاں 2 افراد کی  حالت نازک ہے جبکہ دیگر کودرمیانے درجے کے زخم آئے جنہیں فوری طبی امداد فراہم کرنے کے بعد ہسپتال سے فارغ کردیا گیا ۔