پشاور (این این آئی) دلیپ کمار کی 100 ویں سالگرہ ان کے مکان محلہ خداداد قصہ خوانی پشاور میں منائی گئی۔ سالگرہ کا اہتمام کلچرل ہیریٹج کونسل پختونخوا نے کیا تھا جس میں مختلف مکتبہ فکر کے لوگ موجود تھے اور اپنے والہانہ محبت کا اظہار کیا۔ اس موقع پر  CHC کے سیکرٹری شکیل وحیداللہ خان نے سب شرکاء کا شکریہ ادا کرتے ہوئے کہا کہ اس تقریب کے انعقاد کا بنیادی مقصد بھارت اور  پاکستان کے عوام میں محبت اور بھائی چارے کا پیغام عام کرنا ہے۔