پولیس مقابلہ‘ ڈاکوزخمی حالت میں گرفتار‘ساتھی فرار‘ چھینا گیاٹریکٹربرآمد

رحیم یارخان(کرائم رپورٹر)پولیس مقابلہ‘ ایک ڈاکوزخمی حالت میں گرفتار‘ساتھی فرار‘ چھینا گیاٹریکٹر برآمدتفصیل کے مطابق گزشتہ سے پیوشتہ شب نامعلوم مسلح ڈاکوئوں نے چک7پی کے رہائشی محمدجاوید جوکہ اپنے ٹریکٹر نمبری 1180پِرمقامی شوگر مل میں گنا چھوڑ کرواپس اپنے گھرآرہاتھا کہ اسی دوران نامعلوم مسلح ڈاکوئوں نے مشکیں باندھ کر محمدجاویدسے اس کا 20لاکھ روپے مالیت کا ٹریکٹرچھین لیا اور فرارہوگئے تھے‘ گزشتہ شب پولیس کوڈاکوئوں بارے اطلاع ملی جوچھینے گئے ٹریکٹرسمیت فرارہونے کی کوشش میں مصروف تھے‘ کہ اسی دوران پولیس کی بھاری نفری نے گرفتارکرنے کیلئے چھاپہ مارا تو ڈاکوئوں نے پولیس پر فائرنگ شروع کردی‘ پولیس کی جوابی فائرنگ پر ایک ڈاکوظہوراحمدلنگاہ زخمی حالت میں پکڑا گیاڈاکو متعدد مقدمات میں مطلوب تھا جبکہ دیگرساتھی فرارہوگئے‘ پولیس نے زخمی حالت میں پکڑے جانے والے ڈاکوکے قبضے سے30بور پسٹل بھی برآمدکرلیا‘ جبکہ فرارہونے والے ڈاکوئوں کی گرفتاری کیلئے پولیس علاقہ بھرمیں سرچ آپریشن جاری رکھے ہوئے ہے۔