تھانہ کہوٹہ سے10قدم کے فاصلے پر ڈکیتی کی واردات، آصف کیانی زخمی 

کہوٹہ (نامہ نگار)چراغ تلے اندھیرا پولیس تھانہ کہوٹہ سے10قدم کے فاصلے پر ڈکیتی کی واردات آصف کیانی کو لوہے کا لاڈ مار کر زخمی کر دیا جبکہ ہزاروں روپے لوٹ کر فرار،تھانہ کہوٹہ سے چند قدم کی دوری پر مسٹر کیمسٹ میڈیکل سٹور رات 11بجے کے قریب لوہے کے راڈ سے مسلح شخص سٹور میں داخل ہوا اور مالک سٹور آصف کیانی جو کانٹر پر بیٹھا تھا پے در پے راڈ کے وار کر کے شدید زخمی کر کے کاؤنٹر کے غلے سے ہزاروں روپے نکال کر فرار ہو گیا جبکہ آصف کیانی کو شدید زخمی حالت میں ٹی ایچ کیو ہسپتال پہنچایا پولیس نے مقدمہ درج کر دیا کہوٹہ میں کئی ماہ سے چوری ڈکیتی کی واداتوں میں مسلسل اضافہ ہو رہا ہے کئی تاجروں اور مسافروں کو دن دیہاڑے بھی گن پوائنٹ پر لوٹا گیا درجنوں چوری کی وارداتیں ہو چکی ہیں۔ شہریوں عوام علاقہ جماعت اسلامی کے راہناموں ابرار حسین عباسی و دیگر وزیر اعلی پنجاب آئی جی پنجاب سی پی او راولپنڈی سے مطالبہ کیا کہ تھانہ کہوٹہ میں سفارشی اور کرپٹ افسران اور کئی سالوں سے تعینات ملازمین کو فوری تبدیل کیا جائے کہوٹہ کے شہریوں عوام کو تحفظ فراہم کیا جائے۔