فٹ بال ورلڈ کپ : ارجنٹائن ‘ کروشیا اور فرانس‘ مراکش سیمی فائنل میں مدمقابل 

دوحہ (نوائے وقت نیوز) فٹبال ورلڈ کپ کی سیمی فائنل کی لائن اپ مکمل ہوگئی،۱14دسمبر کوپہلے سیمی فائنل میں ارجنٹینا اور کروشیا آمنے سامنے ہوں گے جبکہ دوسرا سیمی فائنل دفاعی چیمپئن فرانس اور مراکش کے درمیان کھیلا جائے گا۔ یورپ سے 2، جنوبی امریکا اور شمالی افریقا سے ایک، ایک ٹیموں کے درمیان ٹرافی کے لیے جنگ ہوگی، لیونل میسی کی ارجنٹینا ، لوکا موڈرچ کی کروشیا، فرانس کے مباپے اور مراکش کے اشرف حکیمی کی ٹیمیں سیمی فائنل میں پہنچ چکی ہیں۔