خیبرپختونخوا کے مختلف علاقوں میں 4 اعشاریہ 9شدت کے زلزلے کے جھٹکے

خیبرپختونخوا کے مختلف شہروں میں زلزلے کے جھٹکے محسوس کئے گئے ،کوئی جانی و مالی نقصان نہیں ہوا۔زلزلہ پیما مرکز کے مطابق بونیر، لوئر دیر، اور خیبر میں زلزلے کے جھٹکے محسوس کئے گئے، ریکٹرسکیل پر زلزلے کی شدت 4 اعشاریہ 9 ریکارڈ کی گئی ،زلزلے کا مرکزپاک افغانستان تاجکستان کا سرحدی علاقہ تھا۔زلزلے کے جھٹکے محسوس ہوتے ہی علاقہ مکین کلمہ طیبہ کا ورد کرتے ہوئے اپنے گھروں سے باہر نکل آئے۔زلزلے کے نتیجے میں کسی قسم کے جانی یا مالی نقصان کی کوئی اطلاع نہیں ملی ۔