صوبائی وزیراطلاعات عظمیٰ بخاری نے کہا بدقسمتی دیکھیں 26 نومبر کو جو ”جھانسی کی رانی“بن رہی تھی آج وہ ”منہ چھپائی“کررہی تھی۔ تفصیلات کےمطابق وزیر اطلاعات پنجاب عظمیٰ بخاری  نے  اپنے بیان   میں کہا ہے  23 نومبر کو شوہر کی طرح ازخود قوم سے خطاب کرنے والی بشری بی بی آج ”اچھی بچوں“کی طرح خاموش ہے،  24 اور 26 نومبر کو جویشلے خطاب کرنے والی بشری بی بی آج اپنا انقلابی بھاشن پشاور چھوڑ آئی،  26 نومبر کو جو ڈی چوک فتح کرنے آئی تھی آج صحافیوں کے سوالوں پر ایک لفظ نہیں بول سکی ۔  انہوں نے کہا  بشری بی بی میڈیا کو بتاتی ڈی چوک سے بھاگنے کا پلان انکا تھا یا گنڈاپور کا تھا آج قوم کو بتاتی ڈی چوک سے دوڑ کیوں لگائی ،بیچاری نے پہلا انقلاب لیڈ کیا وہ بھی گلے پڑ گیا،بشری بی بی کی غیر سیاسی سوچ اور غیر سیاسی فیصلوں نے ان کی پارٹی کو تقسیم کیا ہے،  پی ٹی آئی کا” انقلاب فروم ہوم “مہینے میں ایک بار انگڑائی لیتا ہے ،جیسے ہی ریاست اپنی رٹ قائم کرتی ہے انقلاب دم دبا کر بھاگ جاتا ہے۔