کھٹمنڈو (این این آئی) پاکستان فٹبال ٹیم کے کوچ مائلو زو الجاوک نے کہا کہ ہم نے میچ میں گول کرنے کے زیادہ مواقع پیدا کئے۔ انہوں نے کہا کہ میں پہلے میچ میں لڑکوں کی کارکردگی سے خوش نہیں تھا تاہم اس میچ میں میرے کھلاڑیوں نے بہترین کھیل کا مظاہرہ کیا۔ انہوں نے کہا کہ ہم ٹیم کی تشکیل نو کر رہے ہیں اور ہمیں مزید بہتر کھیل کا مظاہرہ کرنے کیلئے بڑی ٹیموں کیخلاف میچز کھیلنا ہوں گے، ہم یہاں سے مالدیپ جا رہے ہیں جہاں ہم دو دوستانہ میچز کھیلیں گے۔