عمران کی آرمی پبلک سکول کے زخمی طالب علم سے ملاقات ‘’’آپ بہادر بچے ہیں خیال رکھیں گے‘‘: سربراہ پی ٹی آئی... احمد نواز علاج کیلئے آج لندن جائینگے

پشاور (آئی این پی) عمران خان نے لیڈی ریڈنگ ہسپتال کا دورہ کیا اور وہاں آرمی پبلک سکول سانحے میں زخمی بچے احمد نواز کی عیادت کی۔ عمران نے زخمی بچے کی جلد صحتیابی کی دعا کی۔ احمد نواز سے بات کرتے ہوئے عمران نے کہا کہ ’’آپ میرے بچے ہیں، ریحام خان بھی برطانیہ میں ہیں اور ہماری پارٹی کے لوگ بھی وہیں موجود ہیں، ان سب کو بتا دیا ہے کہ آپ کا وہاں بھرپور خیال رکھا جائے، آپ میرے بہادر بچے ہیں، میں آپ کے علاج میں کوئی کسر نہیں چھوڑوں گا‘‘۔ واضح رہے کہ احمد نواز کو آج صوبائی و مرکزی حکومت کے تعاون سے علاج کیلئے برطانیہ روانہ کیا جائیگا۔