وزیراعظم کی جیل اصلاحاتی پیکج رپورٹ کو حتمی شکل دینے پر کمیٹی اراکین کو مبارکباد

وزیراعظم عمران خان نے قیدیوں کی امداد کے لیے قائم کمیٹی کے اراکین اور علی ظفر کو موثر جیل اصلاحات کرنے کے لئے اصلاحاتی پیکج رپورٹ کو حتمی شکل دینے پر مبارک باد دی ہے۔ اپنے ایک ٹویٹ پیغام میں انہوں نے کہا کہ اس سے تحفظ عامہ اور قیدیوں کی بحالی اس اصول پر یقینی بنے گی کہ قید کی سزا انسانی حقوق سے محرومی کا باعث نہیں بنتی۔