قصور+ سرگودھا (نمائندہ نوائے وقت + نمائندہ خصوصی) ٹریفک حادثات میں 3 افراد جان کی بازی ہار گئے قصور میں تیز رفتار کیری ڈبہ نے موٹرسائیکل کو ٹکر ماردی جبکہ سرگودھا میں شدید دھند کے باعث کار کی موٹرسائیکل کو روند ڈالا جس سے ایک شخص جاں بحق، 3طلبہ سمیت 6افراد زخمی ہو گئے۔تفصیل کے مطابق کھوکھر ٹوچر کے رہائشی40 سالہ محمدعثمان اور اس کا20سالہ بھائی ابوبکر 15 سالہ محمد عدنان کے ساتھ موٹر سائیکل پر اٹھارہ چک سے بھوئے آصل کو جارہے تھے کہ نجی پیٹرول پمپ کے قریب تیز رفتاری کی وجہ سے بے قابو ہوکر کیری ڈبہ سے ٹکرا گئے جس کے نتیجہ میں محمد عثمان اور محمد عدنا ن دونوں موقع پر ہی دم توڑ گئے جبکہ ابوبکر مضروب ہوگیا جسے علاج کے لیے ٹی ایچ کیو ہسپتال کوٹ رادھا کشن منتقل کردیا گیا ہے۔ ادھر سرگودھا گجرات روڈ پر چکیاں پھلروان کے قریب شدید دھند کے باعث تیز رفتار کار کی موٹرسائیکل کو ٹکر میں تین طلبہ داؤد، ہانیہ، اور زینب شدید زخمی ہو گے۔ سرگود ھا فیصل آباد روڈ پر چک 55 شمالی کے قریب تیز رفتار گاڑی کی زد میں آ کر چک 54 شمالی کا عمر حیات جاں بحق ہو گیا۔ سرگودھا شہر میں یونیوسٹی روڈ پر دوسرے روز بھی ٹریفک حادثہ میں رکشہ کی ٹکرسے موٹرسائیکل سوار تین نوجوان شدید زخمی‘ ایک کی حالت نازک زخمیوں کو ہسپتال منتقل کر کے طلبہ کو تشویشناک حالت میں پھلروان ہسپتال سے ڈی ایچ کیو ٹیچنگ ہسپتال سرگودھا منتقل کر دیا گیا۔گو جرہ سے  نامہ نگار کے مطابق  پینسرہ روڈ پر ویگن کی موٹرسائیکل سواروں کو ٹکر سے ایک نوجوان جاں بحق دوسرا شدید زخمی ہو گیا۔ پولیس نہ پہنچنے پر ورثا نے شدید احتجاج، پینسرہ روڈ بلاک کردی۔