اسلام آباد(نا مہ نگار)علامہ اقبال اوپن یونیورسٹی کے میرٹ بیسڈ پروگرامز میں داخلے کے لئے ایڈمشن ٹیسٹ 17سے24فروری کے درمیان منعقد کئے جائیں گے، ٹیسٹ/انٹرویوز میں کامیاب امیدواروں کی پہلی میرٹ لسٹ25۔فروری جبکہ دوسری میرٹ لسٹ 3مارچ 2021کو ویب سائٹ پر جاری کی جائے گی۔ جن پروگراموں کے داخلے میرٹ کی بنیاد پر ہورہے ہیں ان میں پی ایچ ڈی  ایم فل/ایم ایس  ایم ایس سی آنرز اور بی ایس سطح کے پروگرام شامل ہیں۔ میرٹ کی بنیاد پر پیش کئے گئے پروگرامز کے داخلہ فارم اور پراسپکٹس یونیورسٹی کی ویب سائٹ( www.aiou.edu.pk)پر آن لائن دستیاب ہیں۔ داخلے کے خواہشمندنئے اور جاری طلبہ15فروری تک یونیورسٹی کی ویب سائٹ(https://online.aiou.edu.pk)پر آن لائن اپلائی کرسکتے ہیں۔