لاہور( کامرس رپورٹر)پاکستان میں موٹر سائیکل تیار کرنے والی کمپنی یاماہا موٹرز نے اپنی مختلف ماڈل کی موٹر سائیکلوں کی قیمتوں میںاضافہ کا اعلان کردیا ہے۔قیمتوں میں اضافہ کا اطلاق کمپنی کے زیادہ فروخت ہونے والے ماڈل YBR-125G پر نہیں کیا گیا ۔کمپنی کی جانب سے جاری کردہ نئی پرائس لسٹ کے مطابق وائی بی زی 125کی قیمت 11 ہزار اضافے کے ساتھ ایک 2 لاکھ ایک ہزار روپے، وائی بی 125 زی ڈی ایکس کی قیمت 11 ہزار 500 روپے کے ساتھ 2 لاکھ 16 ہزار، جب کہ وائی بی آر 125 کی قیمت 12 ہزار اضافے کے بعد 2 لاکھ 23 ہزار ہوگئی ہے۔