پاکستان میں سرمائی کھیلوںکا فروغ خوش آئند ہے ، ائیر مارشل مغیث افضل

 اسلام آباد(خبرنگار خصوصی )29ویں قومی اسکی چیمپئن شپ2022 کی تقریب تقسیم انعامات پی اے ایف اسکی ریزورٹ نلتر میں منعقد کی گئی۔ ترجمان پاک فضائیہ کے مطابق ایئر مارشل مغیث افضل چیئرمین پاکستان ایرو ناٹیکل کمپلیکس اس تقریب کے مہمانِ خصوصی تھے۔ تقریب سے خطاب کرتے ہوئے مہمان خصوصی نے پاکستان میں سرمائی کھیلوں کے فروغ کیلئے پاک فضائیہ اور ونٹراسپورٹس فیڈریشن آف پاکستان کی کاوشوں کو سراہا۔ انہوں نے ان ایونٹس کے کامیاب انعقاد پر تمام منتظمین کو مبارکباد دی۔ مہمان خصوصی نے فاتح کھلاڑیوں میں میڈلز تقسیم کئے۔ گلگت بلتستان اسکائوٹس نے29ویں قومی اسکی چیمپیئن شپ2022  کی ٹرافی اپنے نام کر لی۔