اسلام آباد (این این آئی)پاکستان ٹین پن باؤلنگ فیڈریشن کے زیراہتمام، ڈی ایچ اے گوجرانوالہ اور میاں برادرز مارکیٹنگ کے تعاون سے 14ویں قومی ٹین پن باؤلنگ چمپئن شپ 20 سے لیزر سٹی باؤلنگ کلب، جناح پارک راولپنڈی میں شروع ہو گی۔ پاکستان ٹین پن باؤلنگ فیڈریشن کے صدر اعجاز الرحمان نے بتایاکہ ٹورنامنٹ کی تیاریاں عروج پر پہنچ گئیں، ٹورنامنٹ میں دس مختلف کیٹگریز کے مقابلے رکھے گئے ہیں۔ جن میں ماسٹر سنگلز، ڈبلز، ٹیم، ڈیف، امیچور، ومنز، انٹر اسکول، انٹر کالجز، انٹر یونیورسٹیز اور میڈیا ایونٹس شامل ہیں۔ اس میگا ایونٹ میں قومی کھلاڑیوں کے ساتھ ساتھ مختلف شعبوں سے تعلق رکھنے والے افراد بھی مختلف کیٹگریز میں حصہ لیں گے۔ ٹورنامنٹ میں سیمی فائنل مقابلے 24 فروری کو جبکہ فائنل مقابلے 25 فروری کو کھیلے جائیں گے اور ایونٹ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔یہ چمپئن شپ 25 سے 30 جنوری تک کھیلی جانی تھی لیکن کرونا وائرس اس کو روک دیا گیا تھا۔