پشاور‘ چمن (نوائے وقت رپورٹ + این این آئی) خیبر پی کے میں ضلع ٹانک کے تھانہ گومل پر دہشت گردوں کا حملہ پسپا کر دیا گیا۔ پولیس کے مطابق شرپسندوں کے حملے کیلئے تیار تھے۔ پولیس نے بھرپور جوابی کارروائی کی دہشت گردوں سے 15 منٹ تک فائرنگ کا تبادلہ ہوا۔ آئی جی اختر حیات گنڈا پور نے ایس ایچ او تھانہ گومل سے رابطہ کیا۔ بہادری پر پولیس کو نقد انعام اور تعریفی اسناد کا اعلان کیا ہے۔ چمن میں سکیورٹی فورسز نے ریلوے سٹیشن لیویز کوارٹرز کے قریب نصب آئی ای ڈی بم ناکارہ بنا دیا۔