امیر جماعت اسلامی سراج الحق کا نامور شاعر امجد اسلام امجد کی وفات پرتعزیت 

لاہور+فیروزوالہ(خصوصی نامہ نگار+نامہ نگار)امیر جماعت اسلامی سراج الحق نے نامور شاعر امجد اسلام امجد کی وفات پر گہرے دکھ اور افسوس کا اظہار کرتے ہوئے مرحوم کی مغفرت کے لیے دعا اور اہل خانہ سے اظہار تعزیت کیا ہے۔نائب امرا جماعت اسلامی لیاقت بلوچ، ڈاکٹر فرید پراچہ، سیکرٹری جنرل امیر العظیم، سیکرٹری اطلاعات قیصر شریف و دیگر قائدین نے بھی امجد اسلام امجد کی وفات پر دعائے مغفرت اور اہل خانہ سے تعزیت کا اظہار کیا ہے۔  پاکستان ٹریڈ یونین چوہدری محمد یوسف نے ملک کے معروف شاعر و ادیب امجد اسلام امجد کے انتقال پر گہرے دکھ اور افسوس کا اظہار کرتے ہوئے کہا ہے کہ انکی وفات سے پیدا ہونے والا خلا کبھی پر نہیں ہوسکے گا۔ امجد اسلام امجد ایک عہد ساز شخصیت اور معاشرے کے نبض شناس تھے۔ انہوں نے اپنے اشعار اور تحریروں کے ذریعے انسانی جذبات اور مختلف معاشرتی پہلوؤں کی نشاندہی کی۔