لاہور (کلچرل رپورٹر) مرکزی جمعیت تحفظ پاکستان کے صدر مولانا محمد علی قادری نے جامع مسجد پیر شیرازی اندرون لوہاری گیٹ اور جامع مسجد معصومیہ مناواں میں خطاب کرتے ہوئے کہا کہ واقعہ معراج حضور نبی کریمؐ کی حیات طیبہ کا بہت بڑا معجزہ اور مبارک سفر ہے۔ ارشاد باری تعالیٰ ہے ’’پاک ہے وہ ذات جو راتوں رات اپنے بندہ خاص کو لے گیا مسجد حرم سے مسجد اقصیٰ تک جس کے گرد ہم نے برکت رکھی ہے کہ ہم اسے اپنی عظیم نشایاں دکھائیں۔ بیشک وہ سنتا دیکھتا ہے‘‘ ۔ اللہ تعالیٰ نے اپنے محبوب کو اپنے دیدار سے مشرف فرمایا۔ اپنے محبوب کو نماز اور روزوں کے تحفے عطا فرمائے۔ ہم مسلمانوں کو چاہئے کہ نمازیں پابندی کے ساتھ پڑھیں اور روزے ذوق و شوق کے ساتھ رکھیں۔