سلطان سٹریٹ اسلام پورہ میں سوئی گیس کی مسلسل بندش سے کھانا پکانا دشوار

لاہور (نیوز رپورٹر) 13 سلطان سٹریٹ اسلام پورہ (کرشن نگر) کے مکین سوئی گیس کی مسلسل عدم فراہمی کے باعث سخت پریشان ہیں۔ خانہ دار خواتین کیلئے ناشتہ اور کھانا بنانا دشوار ہو چکا ہے کیونکہ سوئی گیس 24 گھنٹے میں صبح بمشکل تھوڑی دیر کیلئے آتی ہے۔ معززین علاقہ محمود احمد صدیقی، ساجد محمود اور دیگر نے محکمہ سوئی گیس کے اعلیٰ حکام سے مطالبہ کیا ہے کہ سلطان سٹریٹ اسلام پورہ میں سوئی گیس کی بندش کا فوری نوٹس لیا جائے کیونکہ سردی میں کھانا پکانے کے علاوہ دفاتر جانا بھی مشکل ہوچکا ہے۔