لاہور(سپورٹس رپورٹر) صوبے میں کھیلوں کے سب سے بڑے ایونٹ سندھ گیمز کو موخر کردیا گیا۔ ذرائع کے مطابق 18 سے 21 فروری سے ہونے والے گیمز اب 24 سے 27 فروری منعقد کرانے کا فیصلہ کیا گیا ہے۔پانچ برس کے تعطل کے بعد ہونے والے 18 ویں سندھ گیمز کی کراچی اور حیدرآباد  مشترکہ طور پر میزبانی کریں گے۔صوبائی حکومت کے محکمہ کھیل کی زیر نگرانی ہونے والے ان گیمز میں سندھ کے تمام 6 ڈویڑن کے مرد اور خواتین کھلاڑی مختلف کھیلوں میں شرکت کریں گے۔