لاہور(سپورٹس رپورٹر)ایڈم ہولیویک نے پاکستان کے ابھرتے ہوئے بیٹر صائم ایوب کے بارے میں جرات مندانہ پیش گوئی کی ہے۔پاکستان کے بیٹنگ کوچ ایڈم ہولیوک نے بائیں ہاتھ کے اوپنر صائم ایوب کی قابل ذکر صلاحیت پر پختہ یقین کا اظہار کیا ہے۔حال ہی میں آسٹریلیا اور نیوزی لینڈ میں ایوب کے ساتھ کام کرنے کے بعد ہولیویک نے نوجوان پلیئر کی تعریف کی اور اسے واقعی ایک غیر معمولی ٹیلنٹ قرار دیا۔انہوں نے کہا کہ میں نے صائم ایوب سے زیادہ باصلاحیت کھلاڑی نہیں دیکھا انہوں نے پہلے 2 ٹیسٹ (آسٹریلیا میں) نہیں کھیلے تھے اس لیے میں نے ان کیساتھ (پریکٹس میں) کافی وقت گزارا، مجھے لگتا ہے کہ وہ کرکٹ کا ایک ممکنہ عظیم کھلاڑی ہے۔