میکسویل کی طوفانی سنچری،آسٹریلیا نے  ویسٹ انڈیز کو دوسرے ٹی 20 میں 34 رنز سے ہرا دیا

لاہور(سپورٹس رپورٹر ) گلین میکسویل کی شاندار سنچری کی بدولت آسٹریلیا نے ویسٹ انڈیز کو دوسرے ٹی 20 میچ میں 34 رنز سے ہرا کر تین میچوں کی سیریز میں 0-2 کی فیصلہ کن برتری حاصل کر لی ۔ ایڈیلیڈ ، اوول میں کھیلے گئے میچ میں آسٹریلیا نے پہلے بیٹنگ کرتے ہوئے 4 وکٹوں پر 241 رنز بنائے ، گلین میکسویل نے 55 گیندوں پر 8 چھکوں اور 12 چوکوں کی مدد سے ناقابل شکست 120 رنز بنائے ، ٹم ڈیوڈ 31 ، مچل مارش 29 اور ڈیوڈ وارنر 22 رنز بنا کر نمایاں رہے ، جیسن ہولڈر نے دو کھلاڑیوں کو آؤٹ کیا ، ویسٹ انڈیز کی ٹیم 9 وکٹوں پر 207 رنز بناسکی، رومن پائول نے 63 رنز کی اننگز کھیلی ، مارکس سٹوئنز نے تین جبکہ جوش ہیزل ووڈ اور سپینسر جونسن نے دو ، دو وکٹیں حاصل کیں ، گلین میکسویل کو میچ کا بہترین کھلاڑی قرار دیا گیا۔