10اضلاع کے ڈی ایچ کیو ہسپتالوں کو لاکھوں کے طبی آلات مہیا کردئےے گئے : ڈاکٹر اسد اسلم

لاہور(نیوزرپورٹر)کنگ ایڈورڈ میڈیکل یونیورسٹی کے پرووائس چانسلر و سربراہ شعبہ امراض چشم پروفیسر ڈاکٹر اسد اسلم نے کہا ہے کہ پاکستان میں پہلی دفعہ 10اضلاع کے ڈی ایچ کیوز کے لوویژن سنٹرز کولوویژن کلینک قائم کرنے کے لئے لاکھوں روپے معیاری طبی آلات مہیا کردئے گئے ہیں جسکے نتیجے میں امراض چشم کے مریضوں کو ڈی ایچ کیو کی سطح پر بہترین علاج معالجہ مہیا ہوجائے گا۔ ان خیالات کااظہار انہوں نے گزشتہ روز کے ای ایم یو میں برائن ہولڈن ویژن انسٹی ٹیوٹ آسٹریلیا کے تعاون منعقدہ ورکشاپ ” بصارت کی کمزوری میں مبتلا افراد کا معائنہ اور بچوں میں نظر کے معائنے کا طریقہ کار “ اور طبی آلات مہیا کرنے کی تقریب کے اختتام پر خطاب کرتے ہوئے کیا۔