واشنگٹن (اے پی پی) امریکی اور اتحادی فورسز نے ترک سرحد کے قریب شامی علاقے کوبانی میںدولت اسلامیہ کے خلاف گزشتہ چوبیس گھنٹوں کے دوران 12 فضائی حملے کئے۔ امریکی فوج کے مطابق ان حملوں میں دولت اسلامیہ کی 15 عسکری پوزیشنوں کو نشانہ بنایا گیا۔ اس کے علاوہ دولت اسلامیہ کے زیرقبضہ ایک عمارت بھی تباہ کر دی گئی۔ امریکی فوجی بیان کے مطابق شام میں حسکہ کے مقام پر دولت اسلامیہ کی دو اہم تنصیبات کو بھی تباہ کیا گیا ہے۔ عراق میں بھی اربیل شہر کے قریب دولت اسلامیہ کے زیرقبضہ ایک پل اور رمادی کے قریب دولت اسلامیہ کے عسکریت پسندوں کی دو گاڑیوں کو بھی تباہ کیا گیا ہے۔