جوہانسبرگ (سپورٹس ڈیسک) ویسٹ انڈیز نے جنوبی افریقہ 3 میچوں کی ٹی ٹونٹی سیریز کے دوسرے میچ میں 4 وکٹوں سے شکست دے کر دو صفر کی ناقابل شکست برتری حاصل کر لی۔ جنوبی افریقہ کے کپتان ڈوپلیسی کی سنچری کی بدولت 7 وکٹوں پر 231 رنز بنائے۔ ڈوپلیسی نے 56 گیندوں پر 119 رنز بنائے جس میں 11 چوکے اور 5 چھکے شامل تھے۔ براوو نے 2 وکٹیں حاصل کیں۔ ویسٹ انڈیز نے کرس گیلز کی طوفانی اننگز کی بدولت ہدف 6 وکٹوں پر پورا کر لیا۔ گیل نے 41 گیندوں پر 90 رنز بنائے جس میں 9 چوکے اور 7چھکے شامل تھے۔ سیموئلز نے 39 گیندوں پر 60 رنز بنائے۔ گیل کو میچ کا بہترین کھلاڑی قرار دیا گیا۔ تیسرا میچ پرسوں کھیلا جائے گا۔