کیوی میڈیا نے محمد عامر پر یلغار کردی، آکلینڈ ایئرپورٹ پرکئی صحافی کیمرہ اور مائیک لے کر پیسر کے سامنے آ گئے

پاکستان کرکٹ ٹیم سڈنی میں مختصر قیام کے بعد نیوزی لینڈ پہنچی تو حسب توقع فاسٹ بولر محمد عامر میڈیا کا نشانہ تھے ۔ ٹیم مینجمنٹ کی ہدایات کے سبب عامر نے صحافیوں کےچبھتے سوالات سوالات کا جواب دینے کے بجائے صرف چہرے پر مسکراہٹ سجائے رکھی۔اس بات سے ان خدشات کی تصدیق ہوگئی کہ انھیں اس ٹور کے دوران قدم قدم پر مقامی میڈیا کی سخت اسکروٹنی کا سامنا ہوگا، دوسری جانب ٹیم منیجرانتخاب عالم کا کہنا ہے کہ پلیئرز کے حوصلے کافی بلند ہیں آج صبح ٹیم نے نیٹ پریکٹس بھی کی۔ عامر کے بارے میں انتخاب نے کہاکہ فاسٹ بولرٹیم میں واپسی پر کافی خوش اور فتوحات میں کردار ادا کرنا چاہتے ہیں. پاکستان اور نیوزی لینڈ کے درمیان پہلا ٹوئنٹی 20 جمعے کو آکلینڈ میں کھیلا جائیگا۔