آصف زرداری اوربلاول بھٹوکی نیشنل پریس کلب کے نئے عہدیداروں کو مبارکباد

اسلام آباد (نمائندہ خصوصی)پاکستان پیپلزپارٹی پارلیمنٹیرینز کے صدر آصف علی زرداری اور چیئرمین پاکستان پیپلز پارٹی بلاول بھٹو زرداری نے نیشنل پریس کلب کے انتخابات میں کامیاب ہونے والے نئے عہدیداروں کو مبارکباد دی ہے۔ الگ الگ پیغامات میں سابق صدر آصف علی زرداری اور چیئرمین بلاول بھٹو زرداری نے نئے منتخب صدر شکیل قرار، سیکریٹری انور رضا اور دیگر عہدیداروں کوکامیابی پر مبارکباد دیتے ہوئے کہا کہ انتخابات میں نئے منتخب عہدیداروں کی کامیابی صحافیوں کے اعتماد کا مظہر ہے۔ پیپلزپارٹی کے قائدین نے کہا کہ پاکستان پیپلزپارٹی جمہوری عمل کی حوصلہ افزائی کرتی ہے۔ انہوں نے امید ظاہر کی کہ نئے منتخب عہدیدار آزادی صحافت اور آزادی اظہار کے حق کا دفاع کرتے رہیں گے۔